Oktyabrın 20-də Oslo şəhərində aparılan danışıqlar zamanı Ukraynadakı münaqişə başa çatdıqdan sonrakı dövrə aid ərazilər, sanksiyalar və Avropa təhlükəsizliyi kimi məsələlər müzakirə olunub.
KONKRET.az “The Guardian” nəşrinə istinadən xəbər verir ki, bu barədə Norveçin Baş naziri Yonas Qar Störe bildirib.
“Bu gün biz Ukraynanın təhlükəsizliyi, müharibədən sonrakı rifah planı, ərazilərlə bağlı məsələlər, sanksiyalar və müharibədən sonrakı Avropa təhlükəsizlik nizamı ilə əlaqəli mövzuları müzakirə etdik”, – deyə o qeyd edib.
Norveç Baş naziri həmçinin vurğulayıb ki, avropalılar sülhün mümkünlüyünə inanırlar. Störe danışıqları “yaxşı və konstruktiv” kimi xarakterizə edib.
