Hindistan və ABŞ hakimiyyətləri ikitərəfli ticarət sazişinin mümkün qədər tez yekunlaşdırılmasına sadiq olduqlarını təsdiqləyiblər.
Yenicag.az xəbər verir ki, bu barədə Hindistan Xarici İşlər Nazirliyi məlumat yayıb.
Bildirilib ki, Hindistanın xarici işlər naziri Subramanyam Cayşankar və ABŞ dövlət katibi Marko Rubio Mumbayda keçirilən görüşdə ticarət, müdafiə, texnologiyalar və enerji təhlükəsizliyi məsələlərini müzakirə ediblər.
Rubio sazişin imzalanması üçün bəzi texniki məsələlərin razılaşdırılmalı olduğunu bildirib.
Qeyd edək ki, tərəflər 2030-cu ilədək ikitərəfli ticarət dövriyyəsini 500 milyard dollara çatdırmağı hədəfləyirlər. Sazişin birinci hissəsinin mart ayında imzalanması planlaşdırılsa da, bu, hələ baş tutmayıb.
