Yaponiya və ABŞ qabaqcıl orta mənzilli “hava-hava” raketlərinin birgə istehsalı üçün Yaponiyada müəssisə qurulması barədə razılığa gəliblər.
Publika.az xəbər verir ki, bu barədə Yaponiyanın müdafiə naziri Şinciro Koizumi Filippində keçirilən ASEAN Müdafiə Nazirləri Toplantısı-Plus (ADMM-Plus) iclası çərçivəsində açıqlama verib.
Koizuminin sözlərinə görə, “Operation Supercharge” adlanan təşəbbüs çərçivəsində istehsal olunacaq raketlər F-35 qırıcıları üçün həyati əhəmiyyət daşıyır.
Nazir bildirib ki, tərəflər Yaponiya-ABŞ ittifaqının çəkindirmə və müdaxilə imkanlarının gücləndirilməsi barədə razılığa gəliblər. O, həmçinin güc və təzyiq yolu ilə mövcud vəziyyətin birtərəfli dəyişdirilməsi cəhdlərini rədd edən, hüququn aliliyinə əsaslanan azad və açıq beynəlxalq nizamın əhəmiyyətini vurğulayıb.
Müəllif: Roza
