AFFA İntizam Komitəsi “Səbail” klubunun prezidenti Mirzə Bayrampuru hakimləri təhqir etdiyi üçün 4 oyunluq cəzalandırıb.
Offsideplus.az xəbər verir ki, I Liqanın VI turunda keçirilmiş “Şahdağ Qusar” – “Səbail” matçından sonra dəhlizə daxil olaraq hakimləri təhqir edən və hədə-qorxu gələn klub prezidentinə görə paytaxt təmsilçisi 3000 manat cərimələnib.
Eyni səbəbdən komandanın futbolçusu Rubin Seyidov da 4 oyunluq cəzaya məruz qalıb və kluba əlavə 3000 manat cərimə tətbiq edilib.
Bundan başqa, azarkeşlərin meydana kənar əşyalar atması və hakimlərin ünvanına kütləvi təhqirlər səsləndirməsinə görə “Səbail” ümumilikdə daha 2100 manat ödəyəcək.
