Ukrayna hökuməti ölkədə fəaliyyət göstərən biznesləri mümkün risklərə qarşı hazır olmağa çağırıb.
Globalinfo.az xəbər verir ki, ölkənin Baş naziri Sergey Koretski sahibkarlara istehsalın başqa ərazilərə köçürülməsi üçün alternativ məkanlar axtarmağı tövsiyə edib.
Baş nazir sahibkarlara müraciət edərək ən ağır ssenarini nəzərə almağın vacibliyini vurğulayıb. O, şirkətlərə alternativ istehsal sahələri və binalar müəyyənləşdirməyi, həmçinin mümkün köçürülmə ilə bağlı təchizatçılarla əvvəlcədən müzakirələr aparmağı tövsiyə edib.
Koretskinin sözlərinə görə, müharibə nəticəsində Ukrayna biznesinə dəyən zərərin həcmi 7,7 milyard dolları ötüb. Bundan əlavə, Ukrayna Nazirlər Kabineti ilin sonuna qədər dövlət büdcəsində təxminən 1,5 milyard dollarlıq kəsir yaranacağını proqnozlaşdırır.
Ukraynanın maliyyə naziri Sergey Marçenko da daha əvvəl ölkə iqtisadiyyatının 2026-cı ildə artım tempini demək olar ki, itirəcəyini bildirib. Onun sözlərinə görə, ilin ilk səkkiz ayında Ukraynanın real ümumi daxili məhsulunun (ÜDM) artımı sıfıra yaxın olub.
Tahir Turan
Globalinfo.az
