Bəhreyn milli komandasına yeni baş məşqçi təyin olunub.
Futbolpress.az xəbər verir ki, Bəhreyn Futbol Assosiasiyası ispaniyalı mütəxəssis Feliks Sançeslə rəsmi müqavilə imzaladığını elan edib.
50 yaşlı təcrübəli çalışdırıcı bu postda xorvatiyalı mütəxəssis Draqan Talaiçi əvəzləyib. Sançes noyabrda baş tutacaq beynəlxalq matçlar fasiləsində yeni vəzifəsinin icrasına başlayacaq.
Feliks Sançes daha əvvəl Qətər və Ekvador milli komandalarına rəhbərlik edib, həmçinin Qətərin müxtəlif yaş qrupları üzrə yığmalarında və “Əl-Sədd” klubunda baş məşqçi kimi fəaliyyət göstərib.
