Azərbaycanın U-23 cüdo üzrə milli komandasının İtaliyanın Neapol şəhərində keçiriləcək Avropa çempionatı üçün heyəti bəlli olub.
Futbolpress.az xəbər verir ki, oktyabrın 30-dan noyabrın 1-dək baş tutacaq qitə birinciliyində ölkəmizi 5 müxtəlif çəki dərəcəsində 8 idmançı təmsil edəcək.
Yarışda 60 kq çəkidə Murad Muradlı və Babarəhim Mirzəyev, 66 kq-da Nizami İmranov və İslam Rəhimov, 73 kq-da isə Əbil Yusubov və Mehdi Cəfərov tatamiyə çıxacaqlar. Ağır çəkilərdə isə Əjdər Bağırov (100 kq) və Kənan Nəsibov (+100 kq) medal uğrunda mübarizə aparacaqlar.
Cüdoçularımız yarışa kişilərdən ibarət yığmanın baş məşqçisi Riçard Trautman, böyük məşqçi Elxan Məmmədov və məşqçi Əbdülhəqq Rəsullunun rəhbərliyi altında yollanacaqlar.
