Bu ilki müsabiqədə "Günəşin doğduğu ölkə"də (Yaponiyada) ilin ən yaxşı avtomobili adı uğrunda otuzdan çox model mübarizə aparır.
Bizim.Media xəbər verir ki, 2026–2027-ci illər mövsümü üçün keçirilən nüfuzlu "İlin Avtomobili" müsabiqəsi hazırda qızğın mərhələdədir.
Oktyabrın sonunda 33 modeldən ibarət siyahı elan edilmişdi, indi isə təşkilatçılar finala vəsiqə qazanan 10 modeli açıqlayıblar.
1980-ci ildən bəri keçirilən bu müsabiqənin finalına yapon markalarına məxsus altı model yüksəlib: "Suzuki", "Toyota", "Honda" və "Mazda"dan hər birindən bir model, "Nissan"dan isə iki model. Əsas mükafat uğrunda həmçinin Avropa markaları olan "BMW" və "Volvo", Cənubi Koreya istehsalçısı "Kia" və Çin şirkəti "BYD" də mübarizə aparır. Bu, Çin avtomobil istehsalçısının müsabiqədə ilk iştirakı deyil, lakin bu dəfə qalib gəlmək şansı daha yüksəkdir.
Finalçılar:
Suzuki e Sky
Toyota RAV4
Nissan Elgrand
Nissan Kicks
Honda Super-One
Mazda CX-5
BMW iX3
BYD Racco
Kia PV5
Volvo ES90
Qeyd edək ki, finala çıxan on modeldən altısı elektrik avtomobilidir.
Məlumat üçün bildirək ki, qalib dekabrın 3-də açıqlanacaq. Ötən ilin də ən yaxşı avtomobili “yaponka” olmuşdu. 2025-2026-nın ən yaxşı avtomobili kressover Subaru Forester olmuşdu.
Şəfiqə Şəfa, Bizim.Media
“Yaponka” yenə də ən yaxşı avtomobillər sırasında – klassika dəyişmir...
Hazırda oxuyur: —
Ümumi baxış: 0
Cari oxucu sayı son 90 saniyədə görünən səhifələrə əsaslanır.
BİRLİKDƏ PAYLAŞAQ
Xəbəri paylaş
Oxunma0
Bu saytdakı səhifə baxışları; təkrar açılışlar da sayılır.
