Serbiya Mütərəqqi Partiyası (SNS) parlament seçkilərində "Tələbə Siyahısı — Tələbələr Qalib Gəlir" qrupuna uduzub.
Axar.az xəbər verir ki, SNS seçki siyahısının lideri Aleksandr Vuçiç bunu mətbuat konfransında açıqlayıb.
"Hələlik yekun nəticələrimiz yoxdur. Çoxları təəccüblənəcək və nə qədər yalan uydurduqlarını başa düşəcəksiniz. Sizə bildirmək istəyirəm ki, bu seçkiləri uduzduğumuz aydındır. Tələbə Bloku siyahısı qalib gəldi; onlar 135 ilə 140 arası yer, bizdə isə təxminən 105 yer var. Başqa heç kim Assambleyaya daxil ola bilmədi", - Vuçiç bildirib.
Qeyd edək ki, İpsos və Azad Seçkilər və Demokratiya Mərkəzinin (CeSID) 56% seçki məntəqəsindən əldə etdiyi proqnoza görə, “Tələbə Siyahısı” səslərin 52%-ni alacaq və parlamentdə 139 yer qazana bilər. Vuçiçin koalisiyasının isə səslərin 39,3%-ni və 104 yer alacağı proqnozlaşdırılır.
