“Apple” şirkətinin növbəti növ “iPhone Air 2” smartfonunda birinci nəslin ən çox narazılıq doğuran nöqsanını aradan qaldıracağı və qurğunu daha incə korpusda təqdim edəcəyi gözlənilir.
“Yeni Sabah” xəbər verir ki, insayder “yeux1122” yeni cihazın korpus qalınlığının cəmi 5,2 mm olacağını bildirib (müqayisə üçün, mövcud “iPhone Air” modelində bu rəqəm 5,6 mm-dir).
Smartfondakı əsas yeniliklərdən biri enerji sıxlığı artırılmış daha tutumlu akkumulyatorun tətbiqidir. Bu addım ilk modelin ən zəif tərəfi sayılan qısa batareya ömrünü əhəmiyyətli dərəcədə yaxşılaşdırmağa yönəlib. pizza hut
Texniki göstəricilərə gəldikdə, “iPhone Air 2”nin 2 nanometrlik A20 Pro çipi, həmçinin C2 modemi və N2 modulu ilə təchiz ediləcəyi gözlənilir. Bu komponentlər enerjiyə qənaəti artıraraq cihazın muxtar iş müddətini uzadacaq.
Foto-video imkanlarında da yeniliklər gözlənilir: 48 MP-lik əsas kameranın yanına eyni göstəriciyə malik ultra genişbucaqlı obyektiv əlavə oluna bilər. Ekran tərəfində isə 120 Hz-lik ProMotion dəstəyi saxlanılacaq, displeyin ölçüsü isə azca böyüyərək 6,55 düym təşkil edəcək (əvvəlki 6,5 düym idi).
“iPhone Air 2”nin 2027-ci ilin birinci yarısında “iPhone 18” və “iPhone 18e” modelləri ilə birlikdə nümayiş olunacağı ehtimal edilir. Səsləndirilən məlumatlar hələlik rəsmi status daşımır.
