ABŞ Prezidenti Donald Tramp Böyük Britaniyanın baş naziri Endi Börnhemlə telefon danışığında Ukrayna və İranla bağlı məsələləri yalnız səthi şəkildə müzakirə etdiyini bildirib.
Yenicag.az xəbər verir ki, Tramp bu barədə Ağ Evdə jurnalistlərin suallarını cavablandırarkən danışıb.
“Bəli, müzakirə etdik. Çox səthi şəkildə. Biz əsasən Aberdin və Şimal dənizi haqqında danışdıq”, – deyə ABŞ lideri qeyd edib.
Trampın sözlərinə görə, söhbət əsasən Britaniya hakimiyyətinin Şimal dənizindəki yataqlarda karbohidrogen hasilatını artırmaq üçün gördüyü tədbirlər ətrafında olub.
Qeyd edək ki, Tramp daha əvvəl dəfələrlə Britaniya hakimiyyətini enerji siyasətinə və Şimal dənizində neft və qaz hasilatını genişləndirməkdən imtina etməsinə görə tənqid edib.
