Bakı. Trend:
ABŞ Strateji Komandanlığı illik “Global Thunder 27” strateji nüvə qüvvələri təlimlərinə başlayıb.
Bu barədə ABŞ Müharibə Nazirliyinin bəyanatında bildirilib.
Məlumata görə, təlimlərin məqsədi nüvə qüvvələrinin hazırlığını artırmaq, strateji çəkindirmənin təhlükəsizliyini və effektivliyini təmin etməkdir. Təlimlər hər il keçirilir və ABŞ tərəfinin bəyanatına əsasən, hər hansı dövlətin hərəkətlərinə və ya cari hadisələrə cavab xarakteri daşımır.
ABŞ Strateji Komandanlığı nüvə silahı daşıya bilən strateji bombardmançılara, 400 “Minuteman III” qitələrarası ballistik raketinə və hər biri “Trident II D5” raketləri ilə təchiz edilmiş 14 “Ohayo” sinifli nüvə sualtı qayığına nəzarət edir.