ABŞ Prezidentinin elçisi Stiven Uitkoff və Donald Trampın kürəkəni Cared Kuşner Moskvaya səfərlərini təxirə salıblar.
Tezadlar.az xəbər verir ki, bu barədə “Axios” məlumat yayıb.
Nəşrin məlumatına görə, yeni tarixlər yalnız Ukrayna və Avropa Birliyi (AB) Rusiya üçün birgə danışıqlar təklifi barədə razılığa gəlməyə hazır olduqdan sonra açıqlanacaq.
“Axios”un mənbəsi də Uitkoff və Kuşnerin kəşfiyyat məlumatlarını paylaşmağı dayandırmaqla hədələdiyini təkzib edib. Mənbə bildirib ki, Mayami danışıqları zamanı ABŞ rəsmiləri Ukraynaya Vaşinqtonun güclü tərəfdaş olaraq qaldığını xatırladıb və buna görə də Kiyevə “Amerika istehlakçılarına zərər verəcək hərəkətlər etməməyi” məsləhət görüblər.
Bundan əlavə, Ağ Ev sözçüsünün sözlərinə görə, Tramp “həqiqətən qəzəblidir”, çünki onun fikrincə, Ukrayna tərəfi ABŞ-nin yardımını “təbii” hesab edir.
Rusiya Prezidenti Vladimir Putin əvvəllər qeyd etmişdi ki, Rusiya Ukraynadakı münaqişəni sülh danışıqları yolu ilə mümkün qədər tez həll etmək istəyir.
ELBAR
