Rusiya prezidenti Vladimir Putin və ABŞ prezidenti Donald Tramp arasında imzalanan dizel yanacağı təchizatı müqaviləsi AB-nin Moskvaya qarşı strategiyasını məhv edib.
Tezadlar.az xəbər verir ki, bu barədə Almaniyanın “Berliner Zeitung” qəzeti məlumat yayıb.
Məqalədə qeyd edilib ki, sanksiyaları yumşaltmaqla və bir daha Putinə hörmətini bildirməklə Tramp bir daha Rusiyaya qarşı vahid Qərb cəbhəsinin artıq mövcud olmadığını nümayiş etdirib.
Müəllif əlavə edib ki, “Kiyev və Avropa ölkələrinin ABŞ-ı Moskvaya sərt təzyiq siyasətinə qaytarmaq cəhdləri uğursuzluğa düçar olur”.
Onun fikrincə, Rusiya ilə ABŞ arasındakı müqavilə Avropa İttifaqının mövqeyinə təsir göstərə biləcək “siyasi siqnal”a çevrilib və burada Moskva ilə münasibətlərin normallaşdırılması və Ukrayna ilə Rusiya arasında güzəştə getmək çağırışları getdikcə daha çox eşidilir.
Xatırladaq ki, ötən həftənin sonlarında Tramp Moskva ilə Rusiyadan dizel yanacağı tədarükü ilə bağlı razılaşma elan edib. Amerika lideri ilə söhbətində Putin Rusiyanın neft və neft məhsulları tədarük etməyə hazır olduğunu təsdiqləyib.
Qeyd etmək lazımdır ki, ABŞ-nin qərarı AB və Ukraynada tənqid olunub. ABŞ Maliyyə Naziri Skott Bessent də öz növbəsində avropalıların açıqlamalarını kinayəli adlandıraraq, onların özlərinin “Rusiya enerji ehtiyatlarından qurtula bilmədiklərini” və “uğursuz enerji siyasəti” yürütdüklərini vurğulayıb.
ELBAR
