BAKI, 11 oktyabr. TELEQRAF
ABŞ Prezidenti Donald Tramp Almaniyanın yaşıl enerji siyasətini tənqid edərək ölkənin bu səbəbdən tam iflasa yaxınlaşdığını iddia edib.
Teleqraf xəbər verir ki, Tramp bu fikirləri Tennessidə tərəfdarları qarşısında çıxışı zamanı səsləndirib.
O, ABŞ-nin ekoloji təmiz enerjiyə ehtiyacı olmadığını bildirib.
“Bizə yaşıl enerji lazım deyil. Mənə yaşıl enerjidən istifadə edən bir ölkə göstərin, sizə həmin ölkənin iflas həddində olduğunu deyim. Almaniya artıq bunu sınayıb, məhv olmasına cəmi iki gün qalmışdı”, – deyə ABŞ lideri bildirib.
