BAKI, 22 oktyabr. TELEQRAF
Meksikanın Çivaua ştatının keçmiş baş prokuroru Sezar Xaurequi Mərkəzi Kəşfiyyat İdarəsinə əməliyyatlar üşün öıkəyə icazəsiz giriş imkanı verdiyinə görə dövlətə xəyanət ittihamı ilə həbs edilib.
Teleqraf xəbər verir ki, bu barədə Meksika Baş Prokurorluğu məlumat yayıb.
"Respublika Baş Prokurorluğu Çihuahua ştatının keçmiş baş prokurorunu xəyanət cinayətində mümkün iştirakda ittiham edib və hakim onun hüquqi statusu həll olunana qədər məhkəməyəqədər həbsdə qalmasını əmr edib", - məlumatda qeyd olunur.
Milli təhlükəsizliklə bağlı narahatlıqlar səbəbindən dinləmə qismən qapalı keçirilib. Təqsirləndirilən şəxsin vəkilləri məhkəmədən vaxt istəyiblər.
Növbəti məhkəmə iclası oktyabrın 24-nə təyin edilib. Keçmiş məmur ötən həftə sonu həbs qərarı icra edildikdən sonra Cinayət Axtarışı Agentliyi tərəfindən saxlanılıb.
Cinayət işi Sierra Tarahumara bölgəsində narkotik laboratoriyasının sökülməsi əməliyyatında Amerika agentlərinin qanunsuz iştirakı ilə bağlı açılıb. "Milenio" qəzetinin məlumatına görə, keçmiş prokurora qarşı ittihamlar Meksika federal hakimiyyət orqanlarının razılığı olmadan Mərkəzi Kəşfiyyat İdarəsinin əməliyyatda iştirakının aşkarlanmasından sonra irəli sürülüb. Bu, iki meksikalı prokurorun və iki amerikalı agentin ölümü ilə nəticələnən avtomobil qəzası səbəbindən ictimaiyyətə açıqlanıb.
