İçində 110 nəfərin olduğu təyyarəni ildırım vurdu

BAKI, 8 oktyabr. TELEQRAF

Göyərtəsində 110 nəfərin olduğu “IndiGo” təyyarəsinə (Hindistan) ildırım düşüb, hava gəmisinin burnu zədələnib, amma pilotlar onu təhlükəsiz yerə endirə bilib.

Teleqraf xəbər verir ki, bu barədə “The Times of India” məlumat yayıb.

Hadisə təyyarə Laknau hava limanına yaxınlaşarkən baş verib.

Təyyarənin hava radarını qoruyan burun konusuna ziyan dəyib. Buna baxmayaraq, təyyarə hava limanına planlaşdırılandan səkkiz dəqiqə tez eniş edib.