“Qızıl top” səsverməsində iştirak edən mərakeşli jurnalist Mustafa Badri seçiminə təsir göstərmək cəhdləri barədə məlumat paylaşıb.
Publika.az xəbər verir ki, Badri həmyerlisi Əşrəf Hakimini birinci, Kilian Mbappe və Lamin Yamalı isə müvafiq olaraq ikinci və üçüncü qeyd edib.
“Sizinlə bəzi eksklüziv məlumatları bölüşəcəyəm. Rəsmi səsvermənin başlamasından bir neçə saat əvvəl müəyyən şəxslər mənimlə əlaqə saxlayaraq seçimimi dəyişməyimə və Hakiminin yerinə başqa bir oyunçuya səs verməyim üçün məni inandırmağa çalışdılar. Bu oyunçunun adını çəkməməyi üstün tuturam. Onların yalvarışlarına təslim olmadım, amma bu vəziyyət göstərir ki, “Qızıl top” səsverməsində seçicilərə təsir etmək cəhdləri var “, – deyə “Actu Foot” jurnalistin sözlərini sitat gətirib.
Harri Keyn “Qızıl top” mükafatını qazanıb. Əşrəf Hakimi 65 xal toplayaraq 13-cü yerdə qərarlaşıb.
