Ölkə.az xəbər verir ki, bu barədə Azərbaycan Yazıçılar Birliyinin mətbuat katibi Xəyal Rza sosial şəbəkə hesabında məlumat yayıb.
Onun sözlərinə görə, həmin səhifə vasitəsilə uyğunsuz qruplara müxtəlif dəvətlər göndərilir. Məsələ ilə bağlı şairin ailəsi ilə əlaqə saxlanılıb və onların səhifədən xəbərsiz olduğu bildirilib.
“Ailəsi ilə əlaqə saxladıq. Xəbərsizdirlər və narahatlıqlarını ifadə etdilər. Səhifənin şikayət edilməsini xahiş etdilər. Bu səhifəni işlədən hər kimdirsə, könüllü olaraq bağlasa yaxşı olar. Ayıbdır!”, – deyə X.Rza qeyd edib.
Qeyd edək ki, Nəriman Həsənzadə bu il avqustun 1-də vəfat edib.
