"Atletiko Madrid"in 23 yaşlı argentinalı hücumçusu Xuliano Simeone İngiltərə Premer Liqası təmsilçilərinin transfer siyahısına daxil olub.
Offsideplus.az xəbər verir ki, "Tottenhem", "Mançester Yunayted" və "Mançester Siti" baş məşqçi Diyeqo Simeonenin oğlunu transfer etmək imkanlarını araşdırıb və qeyri-rəsmi sorğular göndəriblər.
-
"Atletiko Madrid"in mövqeyi: İspaniya klubu gənc vingeri satmaq fikrində deyil. 2026-cı ilin əvvəlində müqaviləsini 2030-cu ilin yayına qədər uzadan Simeonun xitam məbləği tam 500 milyon avro olaraq müəyyənləşdirilib.
-
Oyunçunun qərarı: Simeone uşaqlıqdan azarkeşlik etdiyi və atasının çalışdırdığı "Atletiko"da xoşbəxtdir. O, komandada əsas heyətdə mövqeyini möhkəmləndirməyə üstünlük verir.
-
Mövsüm performansı: Cari mövsümdə 2 qol və 2 məhsuldar ötürmə ilə diqqət çəkən 23 yaşlı futbolçu, xüsusilə "Real Madrid"lə baş tutan Madrid dərbisində matçın adamı (MVP) seçilərək böyük rəğbət qazanıb.
