İtaliyalı baş məşqçi Can Pyero Qasperini "Mançester Yunayted"ə 2:3 hesabı ilə uduzduqları Çempionlar Liqası oyunu barədə fikirlərini bölüşüb.
Offsideplus.az xəbər verir ki, Qasperini bu qarşılaşmanın əvvəlki illərdə "Real Madrid"ə qarşı oynadıqları matçdan fərqli olduğunu bildirib: "O vaxt hər şey 7-8 dəqiqə ərzində və standart vəziyyətlərdən sonra baş vermişdi. Bu dəfə isə penalti epizodundan sonra oyuna istədiyimiz temp verə bilmədik. Fərqli situasiyalar idi. Bu gün fasilədən sonra əvvəlki gücümüz yox idi. Rəqibin ilk qolu penaltidən, ikinci isə zədədən sonra və oyun bərabərləşəndə gəldi. Bu oyun bizə "Real Madrid"lə matçdan daha çox şey öyrətdi. Gələcək üçün buradan nəticə çıxarmalıyıq".
Baş məşqçi ikinci hissədə komandasının əvvəlki oyununu göstərə bilməməsinin səbəblərini də açıqlayıb: "Rəqibin itirəcək heç nəyi yox idi və yüksək pressinq edirdilər. Biz isə uzun ötürmələrdən istifadə etməli idik, amma onların əsas oyunçularını saxlaya bilmədik. Bəlkə də daha çox mübarizə aparmalı idik, lakin penalti və hesab 2:2 olanda yaranan epizodun təsiri ilə onların təzyiqinə tab gətirə bilmədik. Bu da qələbəni əldən verməyimizə səbəb oldu".
Qasperini əlavə edib ki, "Roma" qələbəni əldən verdiyinə görə bir qədər məyusdur və komanda nəticə qazanmaq təzyiqini üzərindən qismən götürməlidir: "Bu oyun bizə digərlərindən daha çox lazımdır".
