"Milan"ın baş məşqçisi Ruben Amorim komandasının heç vaxt əldə etdikləri ilə kifayətlənməyəcəyini bildirib.
Offsideplus.az xəbər verir ki, Amorim sabah Avropa Liqasının 4-cü turunda "Ferentsvaroş"a qarşı keçiriləcək oyun öncəsi fikirlərini bölüşüb. O, son turda "Milan"ın A Seriyasında "İnter" üzərində 3:1 hesablı qələbəsini də dəyərləndirib:
"Siz tez-tez soruşursunuz ki, zirvəyə nə vaxt çatacağıq. Biz heç vaxt maksimuma çatmayacağıq, hər oyunda qalib gəlsək belə. Daim inkişaf etməliyik. Artıq öz oyun üslubumuz var – biz meydanda üstünlük qurmaq istəyirik və bəzən buna nail oluruq, bəzən isə yox. Bəzən sxemi və müdafiə oyununu dəyişirik, amma bunu heç kim hiss etmir. Əsas fərqimiz rəqibdən bir addım öndə olmaqdır. Hələ də rəqibi cərimə meydançasına sıxışdırmaq və daha çox qol vəziyyəti yaratmaq bacarığımız çatışmır. Amma daha yaxşı oynayırıq, bəzi epizodlarda əvvəlkindən daha yaxşı çıxış edirik. Qarşıda hələ çox işimiz var, xüsusilə də sonuncu üçdəbir hissədə. Mən oyunçularıma bu istiqamətdə kömək etməliyəm", – deyə Amorim vurğulayıb.
