"Real"ın futbolçusu Vinisius Junior Çempionlar Liqasının əsas mərhələsinin 4-cü turunda AEK-lə oyundan əvvəl keçirilən bir dəqiqəlik sükut zamanı göz yaşlarına hakim ola bilməyib.
Milli.Az xəbər verir ki, sükut "Tenerife"nin futbolçusu Xesus de Miquelin və oktyabrın 28-də İspaniyanın Toledo əyalətində qatar qəzasında həlak olanların xatirəsinə həsr olunub.
Afinadakı "OPAP Arena"da keçirilən görüşdə hazırda hesab 1:1-dir.
Qeyd edək ki, 3 turdan sonra AEK 3 xalla 27-ci, "Real" isə 9 xalla 5-ci pillədə qərarlaşıb. (qol.az)
Müəllif: Ülkər Vəliyeva (Milli.Az redaktor)
