Argentinada 10 yaşlı qız ögey atası tərəfindən zorlandıqdan sonra hamilə qalıb.
News24.az xəbər verir ki, bu barədə “Metro” nəşri məlumat yayıb.
Nəşrin məlumatına görə, məktəbli qarın ağrılarından şikayətlənib və anası ilə birlikdə həkimə müraciət edib.
Müayinələr nəticəsində azyaşlının artıq altı aylıq hamilə olduğu məlum olub.
Araşdırma zamanı qızın bir müddət əvvəl ögey atası tərəfindən cinsi zorakılığa məruz qaldığı üzə çıxıb.
Hadisədən xəbər tutan polis şübhəli şəxsi həbs edib.
Uşağın nənəsi jurnalistlərə açıqlamasında qızını təhlükə barədə xəbərdar etdiyini və uşağı həmin kişinin yanında tək qoymamağı tövsiyə etdiyini bildirib.
Qızın müəllimi isə məktəblinin ögey atası ilə münasibətlərində problem yaşadığı və ya zorakılığa məruz qaldığı barədə heç vaxt şikayət etmədiyini deyib.
Müəllim onu sakit və dərslərinə məsuliyyətlə yanaşan şagird kimi xarakterizə edib.
