2026-cı ilin ən təhlükəli ölkələri açıqlandı: Azərbaycan neçənci yerdədir?
Hazırda oxuyur: —
Ümumi baxış: 0
Cari oxucu sayı son 90 saniyədə görünən səhifələrə əsaslanır.
“Numbeo” beynəlxalq statistik məlumat bazasının 2026-cı il üçün qlobal cinayətkarlıq indeksi (Crime Index by Country 2026) hesabatına əsasən, dünyanın ən kriminogen ölkəsi 80,9 cinayət indeksilə Papua-Yeni Qvineyadır.
“Bakupost” xəbər verir ki, dünyanın ən yüksək cinayətkarlıq reytinqinə malik 10 kriminogen ölkəsi sırasında ikinci yerdə 80,4 cinayət indeksilə Venesuela gəlir.
Haiti reytinqdə üçüncü yerdə qərarlaşıb-80,1 cinayət indeksi.
Sonrakı yerləri müvafiq olaraq Əfqanıstan-74,8, Cənubi Afrika-74,5, Honduras -71,9, Trinad və Tobaqo-71,2, Suriya-67,5, Yamayka-67,4 və 66,9 indeksilə Qayana tutur.
Azərbaycan isə 31,6 cinayət indeksi ilə siyahıda 117-ci yerdə qərarlaşıb. Bu göstərici ölkəmizdə cinayətkarlıq səviyyəsinin aşağı, təhlükəsizlik mühitinin isə yüksək olduğunu göstərir. Azərbaycan təhlükəsizlik baxımından qonşu dövlətlərin bir çoxu ilə müqayisədə də daha yaxşı mövqedədir.
Belə ki, İran-50.8 cinayət indeksi ilə siyahıda 52-ci yerdədir. Türkiyə-41.5 cinayət indeksi ilə 90-cı, Rusiya-38.2 cinayət indeksi ilə 100-cü yerdə qərarlaşıb. Ermənistan təhlükəsizlik cədvəlində 22.1 indekslə 142-ci yeri, Gürcüstan isə 26.2 indekslə 128-ci pillədə yer alır.
Qeyd edək ki, Numbeo-nun cinayətkarlıq indeksi rəsmi polis hesabatlarından daha çox, ölkələrə səfər edən şəxslərin və yerli sakinlərin subyektiv təhlükəsizlik hissi, oğurluq, korrupsiya və hücum risklərinə dair rəyləri əsasında formalaşır.
Rüfət Sultan,BakuPost
BİRLİKDƏ PAYLAŞAQ
Xəbəri paylaş
Oxunma0
Bu saytdakı səhifə baxışları; təkrar açılışlar da sayılır.
