ABŞ Prezidenti Donald Tramp Somalini “iyrənc bir yer” və “dünyanın ən pis ölkəsi” adlandırıb.
Globalinfo.az xəbər verir ki, Ağ Evin rəhbəri bu açıqlamanı Florida ştatında seçkiqabağı mitinq zamanı verib.
“Demokratlar Partiyasından olan konqresmen İlxan Omar ölkəmizə gəldi və dərhal bəyan etdi ki, mənim konstitusion hüquqlarım ona Amerika Birləşmiş Ştatlarını necə idarə etməli olduğumuzu göstərməyə imkan verir. O, hansısa iyrənc bir yerdən gəlib və bizə ABŞ-ı necə idarə etməli olduğumuzu deyir”, – deyə Amerika lideri bildirib.
Ağ Evin rəhbəri daha əvvəl İlxan Omarı Konqresi tərk etməyə çağırıb.
“Fox News” telekanalının məlumatına görə, oktyabrın 22-də konqresmenin əsl adının İlxan Nur Səid Elmi olduğu barədə məlumat yayılıb. İstintaqçılar onun DNT nümunəsini götürüb və pasportunu müsadirə ediblər.
“O, elə bir ölkədən gəlib ki, orada nə qanun var, nə də qayda-qanun, nə də siyasət. Orada insanlar daim bir-birinə atəş açırlar. Onlarda heç nə yoxdur. Yəqin ki, bu, yer üzündəki ən dəhşətli ölkədir”, – deyə Tramp vurğulayıb.
Əliyar Xəlil
Globalinfo.az
