.jpg)
Burkina Fasoda ölüm hökmü səkkiz illik fasilədən sonra yenidən cinayət məcəlləsinə daxil edilib.
Milli.Az xəbər verir ki, bu barədə "Radio Omega" məlumat yayıb.
Bildirilib ki, ölkənin Milli Qanunvericilik Assambleyasının üzvləri ölüm hökmünün bərpasına yekdilliklə səs veriblər.
Ədliyyə naziri Edasso Rodrige Bayalanın sözlərinə görə, qərar ictimai asayişin möhkəmləndirilməsi, vətəndaşların və onların əmlakının qorunması məqsədi daşıyır.
Nazir qeyd edib ki, ölüm hökmü terror fəaliyyəti, dövlətə xəyanət və müharibə cinayətlərində təqsirli bilinən şəxslərə tətbiq olunacaq.
Müəllif: Malik Məlikov (Milli.Az redaktor)
