Braziliya futbolunun əfsanəsi Romario Portuqaliya millisinin hücumçusu Kriştianu Ronaldunun baş məşqçi Jorji Jezuşla yaşadığı gərginliyə münasibət bildirib.
Globalinfo.az xəbər verir ki, bu barədə Sport.es məlumat yayıb.
Romario UEFA Millətlər Liqasında Norveçlə qarşılaşmada ehtiyatda qaldıqdan sonra Ronaldunun milli komandadan ayrılmaq qərarını düzgün hesab etdiyini deyib.
“Məncə, kimsə verdiyi sözə əməl etmirsə, səmimi davranmır. Əgər Ronaldunun danışdıqları doğrudursa, onun mövqeyi tamamilə haqlıdır. Yəqin ki, o, özünü dəyərsiz və komandaya lazım olmayan biri kimi hiss edib və buna görə getmək qərarına gəlib.
Mən də eyni şəkildə davranardım. Hətta ilk növbədə qapını bərk çırpıb gedərdim. Ronaldunun səhvi komandanı tərk etməsi deyil. Onun səhvi belə bir insana daha əvvəl “cəhənnəm ol” deməməsidir”, – deyə Romario bildirib.
