Ukraynanın UKSA futbol klubunun mətbuat xidməti “Lokomotiv”lə (Kiyev) matçda (3:2) yaşanan irqçilik qalmaqalı ilə bağlı növbəti bəyanatını yayımlayıb.
Futbolpress.az xəbər verir ki, klub rəhbərliyi sosial şəbəkələrdəki təzyiqlərin, təhdidlərin və komandanı nüfuzdan salmaq cəhdlərinin həqiqəti dəyişdirməyəcəyini bildirib.
UKSA “Lokomotiv” rəsmilərinə çağırış edərək qeyd edib ki, irqçiliyə qarşı mövqe yalnız sözdə deyil, obyektiv araşdırma və konkret addımlarla təsdiqlənməlidir. İnformasiya müharibələrində iştirak etmək niyyətində olmayan Ukrayna təmsilçisi öz hüquqlarını yalnız qanuni çərçivədə müdafiə edəcəyini və təqsirkarların subut olunmuş əməllərə görə məsuliyyət daşıyacağını açıqlayıb.
