Azərbaycanlı qapıçı Eldar Tağızadənin formasını geyindiyi “Bistritsa” Sloveniyanın ikinci liqasında növbəti oyununu keçirib.
Futbolpress.az xəbər verir ki, komanda çempionatın 12-ci turunda səfərdə “Yesenitse” ilə qarşılaşıb və inamlı qələbə qazanıb (3:1).
Qarşılaşmada qonaqların heyətində Rok Kidriç, Aleks Koroşec və Patrik Katiç fərqləniblər. Meydan sahiblərinin yeganə qolunu isə Stefan Kladar) vurub.
Qeydə alınan nəticə:
Sloveniya İkinci Liqası
XII tur
Yesenitse – Bistritsa 1:3
Qollar: Stefan Kladar, 42 – Rok Kidriç, 3, Aleks Koroşec, 56, Patrik Katiç, 82
Bu nəticədən sonra “Bistritsa”nın xal ehtiyatı 20-yə çatıb. Komanda turnir cədvəlində dördüncü pillədə qərarlaşıb.
Qeyd edək ki, Eldar Tağızadə Sloveniya klubunda icarə əsasında çıxış edir.
