Azərbaycanın kamandan oxatma üzrə milli komandası İraqın Süleymaniyyə şəhərində keçirilən Asiya Kubokunun ikinci mərhələsində uğurla çıxış edib.
Futbolpress.az xəbər verir ki, təmsilçilərimiz beynəlxalq yarışı 1 qızıl və 1 gümüş medalla tamamlayıblar.
Qadınlardan ibarət komandamız, Yaylagül Ramazanova, Fatimə Hüseynli və Lalə Əbdürəhmanova üçlüyü həlledici final qarşılaşmasında Qazaxıstan seçməsini 5:4 hesabı ilə məğlub edərək fəxri kürsünün ən yüksək pilləsinə qalxıb.
Qarışıq komandaların mübarizəsində isə Yaylagül Ramazanova və Məhəmmədəli Əliyev tandemi uğurlu yürüş edərək finala yüksəlib. Həlledici görüşdə İran yığmasına uduzan idmançılarımız gümüş medalın sahibi olublar.
