İkardi "İnter"ə qayıdır?

Mauro İkardi karyerasını yenidən “İnter”də davam etdirmək arzusunda olduğunu bildirib.

Bizim.Media xəbər verir ki, argentinalı hücumçu "Repubblica" nəşrinə müsahibəsində Milan klubuna qayıdışın onun üçün xüsusi olacağını deyib:

"İnter”ə qayıtmaq möhtəşəm olardı. Orada həyatımın çox vacib illərini keçirmişəm. Həmin formanı geyinmək və kapitan sarğısını daşımaq bugünkü şəxsiyyətimin formalaşmasında böyük rol oynayıb".

Qeyd edək ki, Mauro İkardi 2013-2020-ci illərdə “İnter”də çıxış edib.

Bizim.Media