Bakı, 11 oktyabr,
Argentinalı futbolçu Lionel Messi “İnter Mayami”nin heyətində növbəti qollarını vurub.
AZƏRTAC xəbər verir ki, 39 yaşlı hücumçu MLS-in müntəzəm mövsümünün XXVIII turunda “DC Yunayted”lə ev oyununda (4:0) dubl edib.
Ulduz futbolçu rəqib qapısından hər iki topu matçın ikinci hissəsində keçirib. O, 47-ci və 60-cı dəqiqələrdə fərqlənib. Digər qolları isə komandanın uruqvaylı forvardı Luis Suares vurub.
Qeyd edək ki, bu qələbə ilə xallarının sayını 49-a çatdıran “İnter Mayami” turnir cədvəlinin ikinci pilləsinə yüksəlib.
