İsveçli ətraf mühit fəalı QretaTunberq Fransada davam edən məktəb etirazlarına qoşulub.
Axar.az xəbər verir ki, bu barədə BFMTV məlumat yayıb.
Məlumata görə, Tunberq Sen-Denisin şimal ətrafındakı Pol Eluard Liseyi yaxınlığında etirazçılar arasında görünüb.
Şagird və tələbələrin davam edən etirazları Fransada 375 liseyin işini tamamilə və ya qismən pozub. Etirazların başlanğıcından bəri 215 məktəbli, hüquq-mühafizə orqanlarının 700-dən çox əməkdaşı və təhsil sektorunun 12 işçisi xəsarət alıb.
Qeyd edək ki, mərkəzi İl-de-Frans regionunda başlayan yuxarı sinif şagirdlərinin etiraz aksiyaları hazırda bütün Fransanı bürüyüb. Etirazçılar dərs cədvəllərinin həddindən artıq yüklənməsinə, müəllim çatışmazlığına və təhsil sistemindəki digər problemlərə etiraz edirlər. Aksiyaçılar məktəbləri və avtomobilləri yandırır, iğtişaşlar törədirlər.
