İranın Qərbi Azərbaycan əyalətinin Səlmas bölgəsində yağan güclü yağışlar daşqına səbəb olub.
Axar.az xəbər verir ki, bu barədə Qərbi Azərbaycan Qızıl Aypara Cəmiyyətinin baş direktoru Həmid Məhbubi məlumat verib.
Bildirilib ki, daşqınlar nəticəsində iki nəfər ölüb, altı nəfər xəsarət alıb, daha iki nəfər isə itkin düşüb.
Hər iki şəxsin meyiti Qızıl Aypara əməkdaşları tərəfindən tapılaraq aidiyyəti qurumlara təhvil verilib.
Məlumata görə, daşqınlardan ən çox Kaniyan kəndi zərər görüb. Burada 11 nəqliyyat vasitəsi sel sularının əhatəsində qalıb.
