Rubio: Tramp Türkiyənin F-35-ləri almasını istəyir
ABŞ Prezidenti Donald Tramp Türkiyənin artıq ödənişini etdiyi F-35 qırıcılarını almasını istəyir.
Bunu ABŞ Dövlət katibi Marko Rubio Yunanıstanın “Kathimerini” qəzetinə müsahibəsində deyib.
Rubionun sözlərinə görə, ABŞ qanunvericiliyi Türkiyənin Rusiyadan aldığı S-400 hava hücumundan müdafiə sistemləri ilə bağlı məsələ həll olunana qədər F-35 qırıcılarının Ankaraya təhvil verilməsini qadağan edir.
O bildirib ki, Türkiyə bu hüquqi məhdudiyyətlərdən xəbərdardır və problemin mümkün həlli yollarını araşdırır.
.png)