Azərbaycanın İtaliyadakı səfiri Elçin Hüseynli, Ermənistanın səfiri Vladimir Karapetyan, və Gürcüstanın səfiri Tamara Liluaşvili İtaliyada Cənubi Qafqazda sülh, kommunikasiya yolları və regional əməkdaşlığın perspektivlərini müzakirə ediblər.
Tədbirdə İtaliyanın müxtəlif universitetlərindən təxminən 150 tədqiqatçı və tələbə, jurnalistlər, eləcə də ekspert mərkəzlərinin rəhbərləri və nümayəndələri iştirak ediblər.
Müzakirələrin əsas mövzuları regionda sülhün möhkəmləndirilməsi, kommunikasiya yollarının inkişafı, Cənubi Qafqaz ölkələri arasında əməkdaşlığın genişləndirilməsi, həmçinin Mərkəzi Asiya və Cənubi Qafqazı Avropa ilə birləşdirən nəqliyyat-kommunikasiya marşrutlarının perspektivləri olub.
