Türkiyə prezident administrasiyası prezident və parlament seçkilərini may ayından 2028-ci ilin mart-aprel aylarına təxirə salmaq üçün parlament dəstəyinə ümid edir.
Adalet.az xəbər verir ki, bunu Türkiyə Prezidentinin baş hüquq məsləhətçisi Mehmet Uçum deyib. Onun sözlərinə görə, bu qərar hazırkı Prezident Rəcəb Tayyib Ərdoğanın yenidən prezidentliyə namizədliyini irəli sürməsinə imkan verəcək.
Mövcud qanunvericiliyə görə, Türkiyədə növbəti ümumi seçkilər 7 may 2028-ci il tarixinə planlaşdırılır.
Uçum parlamentin səsvermə tarixini dəyişdirmək üçün lazımi səs çoxluğunu təmin edə biləcəyinə əminliyini ifadə edib. O vurğulayıb ki, məsələ erkən seçkilərin keçirilməsi deyil, planlaşdırılan səsvermənin təxirə salınmasıdır.
Məsləhətçinin hesablamalarına görə, təxminən 500 parlament üzvü təşəbbüsü dəstəkləyə bilər və bu da Ərdoğanın yenidən ölkənin ən yüksək vəzifəsinə namizəd olmasına yol açacaq.
