Finlandiya Prezidenti Aleksandr Stubb, Norveç Baş naziri Yonas Qar Störe və Rusiya Prezidenti Vladimir Putin telefonla Ukrayna münaqişəsinin həlli ilə bağlı müzakirələr aparıblar.
"Yeni Sabah" xəbər verir ki, Kremlin sözçüsü Dmitri Peskov söhbətin mövcudluğunu təsdiqləyib.
Stubb və Störe Helsinkidən Prezident Putinə zəng ediblər. pizza sifarişi
"Bu zəng Oslodakı görüşün davamı idi və Ukrayna ilə məsləhətləşmələr çərçivəsində baş tutub. Stubb və Störe söhbətdə öz ölkələrinin nümayəndələri kimi iştirak edib, onlar bütövlükdə Avropa adından danışmayıblar", - rəsmi məlumatda bildirilib.
Eyni zamanda, onlar Helsinki və Oslonun Kiyevə yardım göstərməyə davam edəcəklərini, böhrana son qoyulmasını istədiklərini və danışıqların aparılmasını müdafiə etdiklərini bildiriblər.
"Söhbətin məqsədi Ukrayna böhranının həlli ilə bağlı gələcək danışıqlarla bağlı məlumatları birbaşa Putinə çatdırmaq idi. Zəng Əbu-Dabidə keçirilməsi planlaşdırılan qarşıdan gələn görüşlərlə bağlı idi. Müzakirələr dürüst və məzmunlu idi. Biz Rusiyaya qonşu ölkələrik. Bu müharibənin nəticəsi təhlükəsizliyimizə və Avropanın təhlükəsizliyinə birbaşa təsir göstərəcək. Müharibənin bitməsi birbaşa dialoq tələb edir", - Stabb bildirib.
Störenin sözlərinə görə, o və Stabb mövcud vəziyyətin deeskalasiyasına çağırıblar.
Putinlə söhbətlərində Stabb və Störe Finlandiya və Norveçin həmişə regional təhlükəsizliyi, Baltik dənizində və Arktikada sabit və proqnozlaşdırıla bilən vəziyyəti dəstəklədiyinə əminliklərini bildiriblər.
