ABŞ administrasiyası İrana qarşı növbəti siyasətlə bağlı fikir ayrılığına malikdir.
"Yeni Sabah" Axios-a istinadla xəbər verir ki, Pentaqon rəhbəri Pit Heqset və dövlət katibi Marko Rubio mövcud İran rejimi ilə hər hansı bir nüvə razılaşmasının əldə edilməsi ehtimalına son dərəcə şübhə ilə yanaşırlar.
Heqset və Rubio ABŞ Prezidenti Donald Trampın İran rejimini daha da zəiflətmək, o cümlədən əlavə hərbi əməliyyatlar aparmaq missiyasına malik olduğuna inanırlar. pizza hut
Mənbə qeyd edib ki, ABŞ vitse-prezidenti Cey Di Vens və xüsusi elçilər Stiv Uitkoff, Cared Kuşner danışıqları bərpa etmək istəyirlər, lakin Tramp İranın hər hansı məqbul razılaşmaya razı olacağına şübhə edir.
İrana qarşı iqtisadi təzyiq kampaniyasına nəzarət edən ABŞ maliyyə naziri Skott Bessent yeni hərbi əməliyyatlara başlamaq əvəzinə, onun təsirini gözləməyi təklif edir.
"Əgər respublikaçılar aralıq seçkilərdə əhəmiyyətli dərəcədə məğlub olarsa, Trampın İrana qarşı genişmiqyaslı əməliyyat əmri vermə ehtimalı daha yüksək olacaq. Misir, Türkiyə, İraq, Pakistan və Səudiyyə Ərəbistanı kimi ölkələr İranı seçkidən əvvəl ABŞ ilə danışıqları bərpa etməyə çağırıblar. Adı çəkilməyən Ağ Ev rəsmisi seçki nəticələrinin Trampın İranla bağlı qərarında amil olmayacağına zəmanət verib", - mənbə qeyd edib.
Bir gün əvvəl Qətər vasitəçiləri İran və ABŞ arasında danışıqları bərpa etmək məqsədi ilə Tehranda 12 saatdan çox danışıqlar aparıblar. "Müsbət nəticələr əldə edilib. ABŞ-İran sazişinin qarşısını almaq məqsədi ilə danışıqlar davam edir", - diplomatik mənbə bildirib.
