ABŞ administrasiyası İrana qarşı yeni sanksiyalar tətbiq edib.
Yenicag.az xəbər verir ki, bu barədə ABŞ Maliyyə Nazirliyi məlumat yayıb.
Sanksiyalar neft, neft məhsulları və neft-kimya məhsullarının daşınmasında iştirak edən şəxsləri, şəbəkələri və 17 gəmini hədəfə alır.
Maliyyə Nazirliyi bildirib ki, tədbirlər “İqtisadi Təcrid Əməliyyatı” çərçivəsində həyata keçirilir. Məqsəd Tehranın müharibənin maliyyələşdirilməsini, raket istehsalını, kiberhücumlarını və İran İslam İnqilabı Keşikçiləri Korpusunu (SEPAH) zəiflətməkdir.
Nazirliyin rəsmisi qeyd edib ki, yeni sanksiyalar İranın qanunsuz dəniz infrastrukturuna qarşı indiyədək tətbiq olunan ən ciddi tədbirlərdən biridir.
Bildirilib ki, ABŞ-nin iyulun 14-də İran limanlarına tətbiq etdiyi blokadanın bərpasından sonra Tehranın neft satışına təzyiq artırılıb. Nazirlik rəsmisinin sözlərinə görə, blokadadan kənarda İranın təxminən 20 milyon barrel xam nefti qalıb.
