BAKI, 11 oktyabr. TELEQRAF
Hörmüz boğazında hərəkətdə olan tankerə naməlum mərmi düşüb, nəticədə gəmidə yanğın baş verib.
Teleqraf xəbər verir ki, bu barədə Böyük Britaniya Hərbi Dəniz Qüvvələrinin Dəniz Ticarət Daşımalarının Koordinasiya Mərkəzi (UKMTO) məlumat yayıb.
UKMTO-nun məlumatına görə, tankerin kapitanı naməlum mərminin gəminin sol bortuna düşdüyünü bildirib. Zərbədən sonra gəmidə yanğın baş verib.
Hadisə zamanı ekipajın təhlükədə olmadığı qeyd edilib. Hazırda gəminin aldığı zərərin miqyası və ətraf mühitə mümkün təsirlə bağlı məlumat yoxdur.
