BAKI, 26 oktyabr. TELEQRAF
ABŞ və Kanada yaxın bir neçə ay ərzində ticarət sazişi imzalaya bilər.
Teleqraf xəbər verir ki, bunu ABŞ Prezidenti Donald Tramp “Fox 2” telekanalına müsahibəsində bildirib.
Tramp razılaşmanın daha tez, hətta ABŞ Konqresinə aralıq seçkilərdən əvvəl əldə oluna biləcəyini istisna etməyib.
“Bu, bir neçə ay çəkə bilər. Ola bilsin, daha tez, hətta seçkilərdən əvvəl baş versin. Lakin mən düzgün saziş bağlamaq istəyirəm. Qısamüddətli deyil, uzunmüddətli perspektivi düşünürəm. Razılaşma əldə edildikdə bu, Amerika üçün əla saziş olacaq”, – deyə o vurğulayıb.
Bundan əvvəl Ağ Evin Milli İqtisadi Şurasının rəhbəri Kevin Hassett Vaşinqton və Ottava arasında ticarət danışıqlarının intensivləşdiyini və tərəflərin razılaşmaya yaxın olduğunu açıqlayıb.
Qeyd edək ki, avqust ayında ABŞ və Kanada arasında ticarət danışıqları nəticəsiz başa çatıb. Bundan sonra Vaşinqton Kanadanın bəzi məhsullarına 50 faizlik idxal rüsumları tətbiq edib. Ottava isə cavab olaraq ABŞ məhsullarına əlavə gömrük rüsumları müəyyənləşdirib.
