BAKI, 22 oktyabr. TELEQRAF
ABŞ dövlət katibi Marko Rubio növbəti prezident seçkilərində iştirakı ehtimalı ilə bağlı sualı cavablandırmaqdan imtina edib.
Teleqraf xəbər verir ki, M.Rubio qeyd edib:
"Mən bu barədə danışmaq istəmirəm. Hazırda iki işim var və onlar bütün vaxtımı, enerjimi alır".
Rubio təkcə dövlət katibi deyil, həm də ABŞ Prezidenti Donald Trampın milli təhlükəsizlik müşaviridir.
ABŞ-da növbəti prezident seçkiləri 2028-ci ildə keçiriləcək. Trampın hazırkı prezidentlik müddəti artıq ikinci dəfə olduğundan, namizədliyini irəli sürmək hüququ yoxdur. Konstitusiyaya 22-ci düzəliş prezidenti iki müddətlə məhdudlaşdırır. Amerika mediası dəfələrlə Rubio və vitse-prezident J.D. Vensi ən yüksək vəzifəyə ən çox ehtimal olunan respublikaçı namizədlər kimi göstərib.
Tramp əvvəllər Vens və Rubionu prezidentliyindən sonra ölkəyə rəhbərlik etmək üçün ideal namizəd hesab etdiyini bildirmiş və onların tandeminin 2028-ci il seçkilərində məğlubedilməz olacağına əminliyini qeyd edib.
Vens 2028-ci ildə prezidentliyə namizədliyini istisna etməyib.
