BAKI, 4 noyabr. TELEQRAF
Şimali Koreyanın Yapon dənizi istiqamətində naməlum mərmi buraxdığı bildirilir.
Teleqraf xəbər verir ki, bu barədə Cənubi Koreyanın “Yonhap” xəbər agentliyi ölkənin hərbi rəsmilərinə istinadən məlumat yayıb.
Cənubi Koreya Silahlı Qüvvələrinin Qərargah Rəisləri Komitəsi buraxılışı qeydə aldığını bildirib. Hazırda mərminin uçuş trayektoriyası və texniki xüsusiyyətləri ilə bağlı məlumatlar təhlil edilir.
Qeyd edək ki, oktyabrın 29-da da Cənubi Koreya hərbçiləri Şimali Koreyanın Yapon dənizi istiqamətində naməlum mərmi buraxdığını açıqlamışdılar. Sonradan həmin buraxılışın qısa mənzilli ballistik raketlərlə həyata keçirildiyi bildirilmişdi.
