BAKI, 9 oktyabr. TELEQRAF
Avropa İttifaqı Ermənistana müvəqqəti ticarət güzəştləri verib.
Teleqraf xəbər verir ki, həmin güzəştlər 10 oktyabrda qüvvəyə minəcək və iki il müddətində qüvvədə qalacaq.
Avropa Komissiyasının mətbuat xidmətinin məlumatına görə, müvafiq qanunvericilik aktı Avropa Parlamentinin sədri Roberta Metsola və İrlandiyanın Avropa məsələləri və müdafiə naziri Tomas Birn tərəfindən imzalanıb.
Bu güzəştlər Ermənistanın Aİ-yə ixracının təxminən 80%-nə təsir göstərəcək. Paketə təzə meyvə, tərəvəz, çiçək, spirtli məhsullar da daxildir. Ümumilikdə güzəşt Ermənistanın içki ixracının 91%-dən çoxunu əhatə edir. Güzəştlər həmçinin emal olunmuş kənd təsərrüfatı məhsulları, tekstil və ayaqqabı daxil olmaqla, 300-dən çox məhsul kateqoriyasına şamil edilir.
