BAKI, 12 oktyabr. TELEQRAF
Avropa Birliyi ölkələri Ukraynanın üzvlüyü ilə bağlı yeni danışıqlar mərhələsinin başlanmasına dair razılıq əldə ediblər.
Teleqraf xəbər verir ki, bu barədə İrlandiyanın Avropa işləri və müdafiə naziri Tomas Birn məlumat yayıb .
Xatırladaq ki, bu yaxınlarda Macarıstanın Ukraynanın Aİ-yə daxil olması ilə bağlı danışıqlar çərçivəsində daha iki klasterin açılmasına "yaşıl işıq" yandırdığı məlum oldu.
Ukrayna milli azlıqların təhsil hüquqları haqqında qanun qəbul etdikdən sonra Macarıstan hakimiyyəti veto hüququnu yenidən nəzərdən keçirib. Qanun artıq Prezident Volodimir Zelenski tərəfindən imzalanıb .
