Dərinin gözəlliyi böyük ölçüdə genetikadan asılıdır, lakin düzgün qulluq onun sağlamlığını qorumağa kömək edir.
Modern.az xəbər verir ki, dermatoloqların sözlərinə görə, ilk qırışlar müxtəlif yaşlarda yarana bilər: bəzi insanlarda artıq 20 yaşında, digərlərində isə 30 yaşa yaxın. Dərinin vəziyyətinə iltihaba, səpkilərə və çapıqların yaranmasına meyillilik də təsir göstərir.
Ekspertlərin sözlərinə görə, dərinin sağlamlığını qorumaq üçün kosmetik prosedurlardan həddindən artıq istifadə etmək məsləhət görülmür. Gündəlik dəriyə qulluq zamanı onun təmizlənməsi, tonik və ya losyondan, eləcə də yüngül nəmləndirici kremdən istifadə etmək vacibdir.
Bundan əlavə, bədən çəkisi və fiziki aktivlik nəzərə alınmaqla kifayət qədər su içməyin, eləcə də tam və keyfiyyətli yuxunun əhəmiyyəti də vurğulanıb.
