ABŞ, Rusiya və Çin rəsmiləri noyabrın 18-19-da Çinin Şençjen şəhərində keçiriləcək Asiya-Sakit Okean İqtisadi Əməkdaşlıq Təşkilatının (APEC) sammiti çərçivəsində üç ölkə liderinin görüşünü müzakirə edirlər.
Publika.az xəbər verir ki, bu barədə “Financial Times” nəşri məlumat yayıb.
Bildirilib ki, son iki həftə ərzində Si Cinpin, Donald Tramp və Vladimir Putinin iştirakı ilə ilk üçtərəfli sammitin təşkili ilə bağlı ciddi danışıqlar aparılıb.
ABŞ prezidenti Donald Trampın sammitdə iştirak edərək Si Cinpinlə görüşməyi planlaşdırdığı, daha əvvəl isə Putinin də görüşə qoşulması ideyasını irəli sürdüyü bildirilir. Lakin Pekin hələlik üçtərəfli görüşün keçirilməsi ilə bağlı qərar verməyib.
Çin Xarici İşlər Nazirliyi Pekinin Çin və Rusiya dövlət başçılarının görüşü ilə bağlı müvafiq tərəflərlə əlaqə saxladığını bildirib. Kremlin sözçüsü Dmitri Peskov isə üçtərəfli görüşün təşkili istiqamətində iş aparıldığını təsdiqləyib.
Müəllif: Roza
