ABŞ Prezidentinin elçisi Stiven Uitkov çərşənbə axşamı Osloda Vladimir Zelenski ilə görüşəcək və bundan sonra Rusiya Prezidenti Vladimir Putinə Ukrayna və Avropa ilə məsləhətləşmələr yolu ilə hazırlanmış ideyaları təqdim etməyə ümid edir.
Publika.az xəbər verir ki, bu barədə “Axios” jurnalisti Barak Ravid adı çəkilməyən ABŞ rəsmisinə istinadən məlumat verib.
Ravid sosial mediada yazıb: "Oslodan sonra Uitkov Rusiyaya səyahət etməyi planlaşdırır və orada Prezident Putinlə görüşməyi və Ukrayna və Avropa tərəfdaşları ilə sıx məsləhətləşmələr nəticəsində hazırlanmış ideyaları təqdim etməyi ümid edir".
O, həmçinin qeyd edib ki, ABŞ prezidentinin kürəkəni Cared Kuşnerin Osloda keçiriləcək görüşdə iştirak etməyəcəyi bildirilib.
Ravid yazıb ki, "Kuşner qrip xəstəsidir və başqalarını yoluxdurmamaq üçün Oslodakı görüşdə şəxsən iştirak etməyəcək, lakin virtual olaraq iştirak edəcək".
Çərşənbə axşamı günü Ravid ABŞ Prezidentinin elçisi Stiven Uitkoffun Osloda Vladimir Zelenski ilə görüşəcəyini və danışıqlarda Aİ və NATO nümayəndələrinin də iştirak edəcəyini açıqlamışdı.
Müəllif: Tural
